Aleanca për Mbrojtjen e Teatrit vijon “betejën” kundër vendimit të shembjes së Teatrit Kombëtar.
Përmes një postimi në faqen zyrtare në “Facebook”, Aleanca ka reaguar pas deklaratës së kryeministrit Edi Rama, ku tha se teatri do të shembet për t’i liruar vendin një teatri të ri.
Në reagimin e Aleancës për Mbrojtjen e Teatrit thuhet se sot Rama arriti një nivel të ri urrejtje ndaj trashëgimisë, artit dhe kulturës së Tiranës dhe Shqipërisë.
“Në fjalimin e mitingut, një spektakël që shqiptarëve u ka kushtuar më shumë se gjysmë milion euro, ai kërcënoi se do të shembte jo vetëm Teatrin Kombëtar, por edhe Bibliotekën Kombëtare, Muzeun Kombëtar, si dhe Teatrin e Kukullave e njohur edhe si godina e parlamentit të parë shqiptar”.
Sipas Aleancës, Rama i veshi me gënjeshtrën e përhershme për “modernizimin” e qytetit, por sipas tyre, deklarata e Ramës nuk mbështetet te e vërteta.
Sipas Aleancës për Mbrojtjen e Teatrit, Rama nuk do të ndërmarrë asnjë hap për shembjen e Teatrit Kombëtar, pasi një gjë e tillë nuk do të lejohet prej tyre.
Deklarata e plotë
/Opinion.al. E.Xh./
