Një ditë pas ngjarjes tragjike të shembjes së skelës metalike në rrugën “Faik Konica”, që la dy viktima dhe plagosi tre të tjerë, policia ka arrestuar drejtuesit teknik të punimeve.
Në pranga ranë 41-vjeçari Xh. T. me detyrë Drejtues Teknik i punimeve në firmën “Xhimi”, si dhe 44-vjeçari I. B. me detyrë Drejtues Teknik i sigurisë së punimeve në firmën skela “Syla”. Ata akuzohen për veprën penale “Shkelja e rregullave të mbrotjes në punë”.
Gjithashtu u shpall në kërkim administratori i firmës skela “Syla”, dhe nisi procedimi penal për punonjësit e Inspektoriatit të Punës Tiranë për veprën penale “ Shpërdorimi i detyrës “, pasi nuk kanë ushtruar detyrën për kontrollin e masave të sigurisë në punë në pallatin ku ndodhi aksidenti./Opinion.al
