Ekipet e shpëtimit po kërkojnë çdo të mbijetuar të bllokuar në rrënojat e një ndërtese banimi 12 katëshe të shembur ditën e djeshme në Miami.
Sipas BBC, autoritetet kanë filluar të marrin mostra të ADN-së nga të afërmit e atyre që ende janë të zhdukur në rast se vetëm mbetjet e anëtarëve të familjes së tyre gjenden në rrënojat e pallatit.
Ndërkohë që bëhet me dje se familjarët e të gjithë personave të zhdukur janë grumbulluar rreth një qendre komunitare disa blloqe larg ndërtesës së shembur, duke pritur për ndonjë të re.
Nicolas Fernandez është shpehur se deri më tani telefonatat e tij për familjarët nuk kishin marrë përgjigje.
“Mendoj se ata kanë vdekur”, i tha ai CBS. “Nuk dua të jem pesimist, por ne i kemi thirrur ata pa ndërprerje dhe nuk kemi marrë asnjë përgjigje”.
Nga ana tjetër Jenny Urgelles u zgjua një ditë më parë nga lajmi se ndërtesa e prindërve të saj ishte shembur. Ajo I ka telefonuar ata pa ndërprerje por asnjëri prej tyre nuk është përgjigjur.
“Po mbaj shpresë. Jam shumë e dëshpëruar të di çfarë po ndodh,” i tha ajo një kanali televiziv lokal.
Të paktën një person ka vdekur dhe 99 janë ende të zhdukur, thonë zyrtarët.
Një pjesë e madhe e Kullave Champlain përballë oqeanit në qytetin Surfside u shemb në tokë në orët e para të së enjtes.
Dëshmitarët okularë thanë se kishin dëgjuar atë që dukej si bubullimë para se të shihnin një re të madhe pluhuri pas kolapsit./Opinion.al
