Të paktën 17 njerëz kanë humbur jetën dhe të tjerë janë të humbur, pas shembjes së një ure hekurudhore në ndërtim në verilindje të Indisë, njoftonin sot zyrtarët.
Sipas mediave të huaja, mësohet se incidenti i rëndë ndodhi pranë qytezës së Sairang, në shtetin indian të Mizoram.
Rreth 40 punonjës gjendeshin në impjant në momentin e tragjedisë kur lidhja e sipërme e urës u shemb përtokë nga lartësia.
“Hekurudha në ndërtim e sipër mbi urën në Sairang, pranë Aizaël u shemb sot. Të paktën 17 punëtorë vdiqën. Shpëtimi është në progres, “tha Kryeministri i Mizoram Zoramthanga në X, i njohur më parë si Twitter.
Ura hekurudhore ishte në ndërtim e sipër mbi lumin Kurung që lidh qytetin e afërt të Bairabi me Sairang.
“Thellësisht i pikëlluar dhe i prekur nga kjo tragjedi. I shpreh ngushëllimet më të thella për të gjitha familjet e viktimave dhe u uroj shërim të shpejtë të plagosurve”, shtoi Zoramthanga.
Kryeministri Narendra Modi gjithashtu ka shprehur ngushëllime për familjet e viktimave dhe tha se operacionet e shpëtimit janë duke u zhvilluar dhe e gjithë ndihma e mundshme po u jepet të prekurve.
Kujtojmë që vitin e kaluar, një shembje ure në Morbi, Gujarat, vrau të paktën 141 banorë./Opinion.al
