Të paktën 98 persona janë vrarë dhe më shumë se 150 janë plagosur, pasi një çati u shemb në një klub nate në kryeqytetin e Republikës Domenikane, Santo Domingo.
Sipas autoriteteve vendase mësohet se ngjarja ndodhi në orët e para të së martës në një koncert të këngëtarit të njohur të merengues Rubby Pérez në klubin e natës Jet Set.
Të paktën 300 persona ndodheshin brenda klubit të natës Jet Set, në kryeqytetin e Santo Domingos, kur çatia u shemb. Ende nuk dihet shkaku i shembjes.
Ndërkohë operacionet e kërkimit vijojnë për të nxjerrë gjallë sa më shumë pjesëmarrës në këtë lokal, por frika se numri i viktimave mund të shtohet mbetet e madhe.
