Përplasje ka patur në seancën e sotme mes grupit të deputetëve mbështetës së ish-kryeministrit, Sali Berisha dhe kreut të grupit të PD Enkelejd Alibeaj.
Deputeti Tritan Shehu iu drejtua këtij të fundit duke i thënë se i ka hequr kohën e diskutimit në Kuvend në kundërshtim me ligjin.
Ndërkohë, nga ana e tij Alibeaj u kërkoj deputetëve të Rithemelimit të mos i sjellin problemet e brendshme të PD në Kuvend.
Pjesë nga replikat
Tritan Shehu: Kam një protestë. Kryetarët e ashtëquajtur të grupeve parlamentare nuk kanë të drejtë të më heqin nga debati. Kjo është e tuprshme. Unë kam kërkuar të jem në debat sot dhe i ashququajturi kreu i grupit parlamentar demokrat nuk më ka vënë në listë.
Kjo është shkelje flagrante. Deputetët duhet të flasin. Dhe askush nga ata atje nuk kanë të drejtë të më ndalojnë mua të flas. Nuk ka të drejtë askush të më heqë. Nëse ka minutazh duht të pjesëtohet. Ky është diskutim politik.
Ermonela Felaj: Koha e debatit përcaktohet në konferencën e kryetarëve. E dini shumë mirë që për diskutime të kësaj natyre vendimet i merr konferenca e kryetarëve. Ju është ndërprerë fjala dhe senaca do të vazhdojë normalisht.
Enkelejd Alibeaj: Ju bëj me dije ju dhe gjithë publikut në fakt që nuk do të duhet kurrë të provokoni debate të natyrës së brendshme të grupit parlamentar tonit. Është e disata herë që e keni bërë këtë gjë. Ndoshta ju kërkoni të fitoni kredo politike, por kjo nuk ju bën hije dhe nder askujt. Për gjithë qytetarët dhe për të gjithë kolegët e nderuar që nga ana ime kanë respektin maksimal, familja jonë grupi parlamentar i PD ka rregullat e veta, ka kontributin e vet gjithsecilin, rregulla të përcaktuara në rregulloren e grupit parlamentar, edhe deputetëve, miq të mi, kolegë të nderuar, të cilën nuk u toleroj asnjë gjë, që çështje të brendshme të mund t’i nxjerrim në mexhelis nuk është e hijshme. Megjithatë në mbledhjet e grupit parlamentar ku të gjithë së bashku jemi, kemi mundësitë për të bërë kërkesat dhe për të depozituar edhe kontributin tonë parlamentar për të folur për çështje të rëndësishme që qytetarëve u interesojnë. Sipas procedurës sonë të brendshme sekretari i grupit u ka dhënë mundësinë të gjithë deputetëve, anëtarë të grupit parlamentar të PD që të flasin dhe kanë gjetur mundësinë për të folur. Ky është rregulli ynë i brendshëm dhe një kërkesë kam fare të vogël për këdo. Në një familje serioze, në respekt të njëri-tjetrit thirrje i bëj nderit, respektit, njerëzillëkut mes nesh që primare në fakt është që ky parlament ka synim kryesor mbrojtjen dhe të jetë protektor i interesit të qytetarëve.
