Kryetari i LZHK-së, Dashamir Shehi ka folur lidhur me zhvillimin e fushatës për zgjedhjet parlamentare të 25 prillit.
Në emisionin “Opinion”, Shehi tha se kryedemokrati Lulzim Basha po bën fushatë më të mirë se kryesocialisti Edi Rama.
Shehi tha se Rama nuk mund të besohet më, ndërsa për Bashën tha se ai ka kohën për të fituar.
Pjesë nga intervista
Kush po bën fushatë më mirë?
Për mua po e bën Basha. E shohim ndryshe si fushatë se është pro pozitive në kuptimin që po merret se çfarë do të bëjmë ne.
Kush po gënjen më pak?
Gënjeshtra e Ramës nuk ka më inerci, është zbraz shishja ka 8 vite. Po kërkon ta rimbushi. Rama dhe narrativa politike është zig-zage. Njëherë me sulme ndaj kundërshtarëve, jo me sulme politike, por si e ke vetullën ti apo si e ke buzën ti.
Rama duket më i çlirët..
Unë do i them qytetarëve çfarë kanë bërë, nëse i ke bërë shtatë i bën dhjetë, por nëse ke premtuar dhjetë e bën tre nuk bëhet më e besueshme. 8 vite që kaluan ato gjëra që nuk janë bërë. Duhet të jesh shumë naiv të besosh Ramën. Basha është më i besueshmë, ka kohën e vet, është me vektor.
