Drejtuesit e klubit të Shefild F.C, kanë aplikuar zyrtarisht për të qënë pjesë ë mbrojtjes së UNESCO-s, si trashëgimi botërore e kulturës. Skuadra që cilësohet më e vjetra në botë dhe me një histori të veçantë në historinë e futbollit botëror, në kuadër të festimit të 159-vjetorit të klubit, kanë menduar për këtë kërkese në mënyrë që të përjetësojnë imazhin dhe emblemën e klubit të parë ku lindi futbolli.
“Kjo lëvizje për njohjen kulturore dhe sportive nuk është vetëm për ekipin tonë, por për të gjithë tifozët e sportit më popullor në botë, që duan të njohin hapat e parë”. Në këtë mënyrë ne njohim ‘Olive Grove’, si fusha ku u krijua ekipi i parë i futbollit më 24 tetor 1857”, tha presidenti i klubit historik anglez.
Në vitin 1857, formacioni i Shefild FC shënoi fillimin e lojës së futbollit zyrtar me krijimin e rregullores së parë të shkruar të futbollit dhe vlerat origjinale të integritetit, respektit dhe bashkësisë sportive. Si klubi më antik në botë, Shefild FC është titulluar me çmimin prestigjoz të FIFA-s, “Urdhër i Nderit”, klubi i vetëm perveç Real Madridit që e mban këtë titull.
