Sekretari amerikan i Mbrojtjes, Lloyd Austin ka folur pas vizitës së tij në Kiev, e cila u zhvillua ditën e djeshme.
Ai tha se rrugës për në kryeqytet dukej sikur gjërat kishin filluar të normalizoheshin.
Austin thotë se natyra e luftës në Ukrainë ka evoluar kështu që ka nevojë për armë me rreze të gjatë dhe ka shprehur nevojën për tanke. Ai tha se është e vështirë për SHBA-në të gjurmojë se çfarë ndodh me armët e transferuara në Ukrainë, pasi nuk ka forca amerikane në terren. Por ai foli me ukrainasit për t’u siguruar që armët të gjurmohen sa më mirë që të jetë e mundur.
“Hapi i parë për të fituar është të besosh se mund të fitosh… Ne besojmë se ne mund të fitojmë, ata mund të fitojnë nëse kanë pajisjet e duhura, mbështetjen e duhur,”-ka thënë ai.
Shefi i Pentagonit shton se Zelensky ishte mirënjohës për gjithçka që SHBA po bën, por është i fokusuar në atë që i nevojitet për të qenë i suksesshëm në këtë luftë./Opinion.al
