Të martën në mbrëmjen në emisionin “Opinion” u publikuan 9 audio përgjime të reja. Sipas Ervin Salianjit ajo janë zyrtare të prokurorisë dhe tregojnë mënyrën se si ishte mplikuar policia e shtetit në dosjen “Babale”. (9 audio përgjimet i gjeni KÊTU)
Por këtë të mërkurë, nga selia e PD-së ish deputeti demokrat tha se “shefi imadh” për të cilin flitej në një përgjim mes Fredi Alizotit, i cili sipas prokurorisë është aktori që ka bërë zërin e Geron Xhafës, dhe drejtorit të Policisë së Fierit është Fatmir Xhafaj.
“Dëshmitari i sajuar i kërkon Drejtorit të Policisë së Fierit të takohet me shefin e madh. Këto biseda mes Drejtorit të Policisë së Fierit dhe dëshmitarit të sajuar janë zhvilluar në datat 7 dhe 8 qershor 2018. Në këto data, është e vërtetë se shefi i madh i policëve ndodhet jashtë shtetit. Sipas të dhënave zyrtare të Ministrisë së Brendshme, shefi i madh, Fatmir Xhafaj, ndodhet në Kroaci, në një vizitë zyrtare”, tha Ervin Salianji.
Ndërkohë Partia Demokratike ka vendosur të kallëzojë penalisht drejtuesit e policisë së Fierit dhe 4 prokurorët e çështjes “Xhafaj” për shpërdorim detyre, fallsifikim të provave dhe fshehjen e së vërtetës./Opinion.al
