Shefi i aeroportit më të ngarkuar në botë për pasagjerët ndërkombëtarë ka thënë se pasaportat Covid janë mënyra e vetme për të rifilluar udhëtimet masive.
Shefi ekzekutiv i Aeroporteve të Dubai Paul Griffiths i tha BBC: “Unë nuk mendoj se ka një alternativë tjetër”.
Kritikët argumentojnë se ky sistem diskriminon ata që nuk mund të vaksinohen, por Z. Griffiths thotë se ai është një mbështetës i plotë i rregullave, të cilat ai thotë se janë “të pashmangshme”.
“Unë mendoj se problemi nuk është pasaporta e vaksinës dhe diskriminimi i qytetarëve. Është nevoja për të hapur gjërat dhe për të pasur një program të duhur vaksinash të barabartë globalisht,” tha ai.
Organizata Botërore e Shëndetësisë dhe Këshilli Botëror i Turizmit dhe Udhëtimit janë midis atyre që kundërshtojnë pasaportat e vaksinave mes frikës se ato do të krijojnë një “shoqëri me dy nivele”.
Muajin e kaluar, Dr Mike Ryan nga OBSH përsëriti shqetësimet në lidhje me çështjet etike dhe të drejta për pasaportat e vaksinave.
“Ato duhet të merren parasysh, veçanërisht në një botë ku vaksina shpërndahet në një mënyrë kaq të pabarabartë”, tha ai./Opinion.al
