Amerika është vendi i lirisë. Kjo është një shprehje që cdo politikan i SHBA thotë shpesh me krenari. Ajo që nuk dëgjon kaq shpesh është se burimet e nëntokës gjithashtu janë bërë me sa duket nga liria. Kjo është deklaruar të paktën në një njoftim për shtyp këtë javë nga Departamenti i Energjisë (DoE) në SHBA.
Mark W Menezes, zëvendës Sekretari i Energjisë i SHBA, në një deklaratë bëri nderim të veçantë për burimet natyrore të kontinentit. Aty ai zëvendësoi fjalën gaz natyror me “gazin e lirisë” kur po fliste për miratimin që DoE dha për rritjen e eksporteve të gazit natyror të prodhuar nga një terminal LNG Freeport jashtë brigjeve të Teksasit.
“Rritja e kapaciteteve të eksportit nga projekti Freeport LNG është me sh8umë rëndësi për përhapjen e gazit të lirisë në të gjithë botën duke i dhënë aleatëve të Amerikës një burim alternativ dhe të përballueshëm të energjisë së pastër”, tha ai.
Koncepti i “gazit të lirisë” mund të duket amorf, por në të vërtetë po matet në njësinë më të vogël.
“Me një vit prodhimi rekord të gazit natyror në SHBA, unë jam i kënaqur që Departamenti i Energjisë është duke bërë atë që është e mundur për të promovuar një sistem efikas rregullator që lejon që molekulat e lirisë së SHBA të eksportohen në botë”, tha Steven Winberg, ndihmës Sekretar për Energjinë e Hirdokarbureve.
Nuk është e qartë nëse anëtarët e administratës së Trump, të cilët po përpiqen ti bashëngjisin synime patriotike gazit natyror, janë të vetëdijshëm se sa qesharak duken këto koncepte, por Rick Perry duket se e beson me të vërtetë këtë gjë.
“Shtatëdhjetë e pesë vjet pas çlirimit të Europës nga okupimi i Gjermanisë naziste, Shtetet e Bashkuara po japin përsëri një formë të lirisë në kontinentin evropian,” tha sekretari i energjisë këtë muaj, sipas EURACTV. “Dhe në vend se në formën e ushtarëve të rinj amerikanë, është në formën e gazit natyror të lëngshëm” shtoi më tej Perry. /Opinion.al
