Një 48-vjeçar shqiptar i identifikuar si Astrit Gjon Bushi është dënuar me burgim të përjetshëm, pasi u shpall fajtor për vrasjen e një kolegu të tij.
Sipas mediave amerikane ngjarja kjo e ndodhur në gusht të vitit 2020, në një fabrikë montimi të General Motors pranë Detroitit.
Bushi, është shpallur fajtor pasi një juri e dënoi atë për vrasje të shkallës së parë të 49-vjeçarit Grgory Lanier Robertson, nga Pontiac.
Por si ndodhi ngjarja? Dy burrat ishin të punësuar në një shërbim pastrimi dhe po punonin në fabrikën e montimit të automobilistëve në Oakland County, në veri të Detroitit, kur sulmi fatal ndodhi më 11 gusht të vitit të kaluar.
Oficerët e policisë e policisë gjetën Robertson të gjakosur dhe pa ndjenja në tokë. Ai u shpall i vdekur në vendngjarje, pavarësisht përpjekjeve për ta shpëtuar atë.
Bushi u gjet pranë trupit të Robertsonit, ndërsa u arrestua dhe akuzua për “vrasje me dashje”.
Zyra e Ekzaminuesit Mjekësor të Qarkut Oakland zbuloi se Robertson vdiq nga dëmtimet e shumta me mjet të mprehtë.
Policia gjeti sendin e përdorur në vrasje.
