Një 57-vjeçar i akuzuar dhe dënuar për vrasjen e vajzës së tij, u ekzekutua me injeksion nga qeveria federale mbrëmjen e së premtes në shtetin e Indianas.
Alfred Bourgeois ishte dënuar me vdekje në vitin 2004 për torturimin dhe vrasjen e vajzës së tij 2-vjeçare në Teksas, duke ia përplasur kokën katër herë në dritaren e kamionit të tij.
Në fjalët e tij të fundit, 56-vjeçari nuk kërkoi falje, por këmbënguli se ai nuk ishte autori i abuzimit dhe i vrasjes së vajzës së tij të mitur. “I lutem Zotit të falë të gjithë ata që komplotuan dhe planifikuan këtë ngjarje kundër meje dhe ngritën prova të pavërteta. Unë nuk e bëra këtë krim”, thuhet në raportin e publikuar nga gazetari i pranishëm.
Ky është ekzekutim vjen një ditë pas atij të Brandon Bernard të enjten. Edhe tre ekzekutime të tjera janë parashikuar të kryhen përpara përfundimit të presidencës së Donald Trump.
Ekzekutimet federale ishin ndalur për 17 vite, ndërsa Trump i riktheu ato në fillim të këtij viti./Opinion.al
