Shtetet e Bashkuara thyen rekordin e tyre për infeksione të reja me koronavirus të Premten pasi raportuan të paktën 83,948 raste të reja për shkak të shpërthimeve në pothuajse çdo pjesë të vendit, sipas një llogarie të Reuters.
Ky kulmim i ri rastesh vjen më pak se dy javë para zgjedhjeve presidenciale në 3 nëntor dhe po godet shtete deçizive në zgjedhje, si Ohajo, Miçigan, Karolina e Veriut, Pensilvania dhe Uiskonsin.
Rekordi i mëparshëm ishte 77,299 raste të reja në 16 korrik. Në atë kohë, shtrimet në spital për pacientët Covid-19 arritën 47,000 dhe dy javë më vonë vdekjet u rritën në një mesatare prej 1,200 në ditë.
Tani, shtrimet në spital janë mbi 41,000 dhe vdekjet mesatarisht gati 800 në ditë.
Ekspertët e shëndetit nuk e kanë përcaktuar arsyen e rritjes por kanë paralajmëruar prej kohësh që temperaturat më të ftohta, lodhja me masat paraprake të Covid-19 dhe studentët që kthehen në shkolla dhe kolegje, mund të nxisin përhapjen e virusit.
Shtetet e Bashkuara kanë më shumë raste tw regjistruara me COVID-19 në bot,ë me 8.5 milionë, dhe më shumë viktima me 224,000 jetë të humbura.
Gjatë javës së shkuar, SHBA raportoi një mesatare prej 60,000 rastesh të reja në ditë, mesatarja më e lartë shtatë-ditore që nga fillimi i gushtit.
Miduest ka qenë epiqendra e valës së fundit, por infeksionet po rriten në të gjithë vendin.
Verilindja raportoi një rritje prej 83% të rasteve në muajin e kaluar. Rastet e reja janë dyfishuar në Konektikat, Nju Hempshajër, Rod Ajlënd dhe Nju Xhersi në katër javët e fundit krahasuar me katër javët e mëparshme, sipas një analize të Reuters.
Shtetet perëndimore përfshirë Montana, Nju Meksiko dhe Uajoming kanë raportuar një rritje prej 200% të rasteve në katër javët e fundit krahasuar me katër javët e mëparshme./ Opinion.al
