Shtetet e Bashkuara do të tërheqin të gjithë trupin diplomatik nga Venezuela. Këtë e ka njoftuar Sekretari i Shtetit Mike Pompeo, duke thënë se “Vendimi reflekton përkeqësimin e gjendjes në Venezuelë dhe kemi arritur në përfundimin se personeli i mbetur në Ambasadën Amerikane në Venezuelë limiton politikën e Shteteve të Bashkuara”.
Ky vendim vjen pasi presidenti Nicolas Maduro akuzoi Shtetet e Bashkuara të Amerikës se ishin fajtore për heqjen e dritave që vazhdon prej disa ditësh në vend. Maduro tha se në këtë mënyrë, Donald Trump kërkon ta detyrojë të japë dorëheqjen.
SHBA ka njohur presidentin e vetëshpallur Juan Guaido, duke i bërë thirrje Nicolas Maduros që të tërhiqet. Me fjalët e tij, Mike Pompeo po paralajmëron se SHBA do të ndërmarrë hapa të tjerë ndaj Venezuelës, pas tërheqjes së diplomatëve amerikanë./Opinion.al
