7 persona të tjerë u vranë më armë zjarri në Kaliforni mbrëmjen e së hënës, në ngjarjen e dytë të rëndë në këtë shtet në harkun e 2 ditëve.
Sulmet ndodhën në qytetin bregdetar të Half Moon Bay. Viktimat ishin të gjithë punëtorë fermash kinezo-amerikanë. Autori u identifikua si 67-vjeçari Zhao Chunli, edhe ky i fundit banor i zonës, i cili disa orë më pas u dorëzua në zyrën e Sherifit të qarkut San Mateo.
Sipas BBC, katër viktima të sulmit u zbuluan në një fermë kërpudhash, ndërsa tre të tjerë u gjetën më vonë në një biznes të kamionëve aty pranë, ndërsa një i plagosur po trajtohet në spital dhe ndodhet në gjendje kritike për jetën.
Motivet e sulmit janë ende të paqarta, ndërkohë që sherifi i zonës zbuloi se autorit iu gjet dhe një pistoletë automatike që mund të jetë përdorur gjatë sulmit, ndërkohë që është duke bashkëpunuar me policinë.
Ngjarja në Gjirin Half Moon, vjen pas asaj në parkun Monterey, ku një tjetër i moshuar me origjinë aziatike vrau 11 persona në një sallë kërcimi.
