Katër persona kanë mbetur të vrarë si pasojë e një sulmi me armë zjarri, në një shkollë të mesme në Xhorxhia.
BBC njofton se kanë mbetur të plagosur 30 persona të tjerë që ndodheshin në shkollën e mesme Apalachee në qytetin Winder.
Mësohet se policia ka vënë në pranga një person i dyshuar si autor i sulmit, i cili ndodhet në paraburgim.
“Kjo që ndodhi ishte një akt i rëndë”, tha Sherifi Jud Smith gjatë një konference të shkurtër për shtypin në mjediset pranë shkollës.
Ka qenë një nxënës 17-vjeçar i identifikuar si Caldera, i cili ka dëgjuar të shtënat e më pas ka raportuar tek mësuesit.
Ndërsa nxënësit e mësuesit ndodheshin në klasë, dikush kishte trokitur në derë dhe kishte bërtitur disa herë, duke kërkuar që ta hapnin. Në momentin që nuk po dëgjoheshin më të trokitura, Caldera tha se dëgjoi të të shtëna e britma.
Ndërkohë Shtëpia e Bardhë tha nëpërmjet një deklarate se Presidenti Joe Biden ishte informuar rreth ngjarjes dhe administrata do të vijojë të koordinohet me zyrtarët për të marrë më shumë informacion./Opinion.al
