SHBA ka vendosur sanksione ndaj nëntë personave të lidhur me Udhëheqësin e Iranit, Ayatollah Ali Khamenei, midis tyre shefi i shtabit, një nga djemtë e tij dhe kreu i gjyqësorit të Iranit.
Departamenti i Thesarit i SHBA-së u shpreh përmes një deklarate se Uashingtoni gjithashtu sanksionoi Shtabin e Përgjithshëm të Forcave të Armatosura të Iranit.
“Sot Departamenti i Thesarit po shënjestron zyrtarët që rrethojnë Liderin suprem të Iranit, Ayatollah Khamenei dhe zbatojnë politikat e tij destabilizuese. Këta individë janë të lidhur me një gamë të gjerë sjelljesh dashakeqe, duke përfshirë edhe bombardimet e kazermave detare të SHBA-së në Beirut më 1983, pastaj sulmin ndaj Shoqatës së përbashkët izraelito-argjentinase më 1994. Ata janë të lidhur edhe me disa raste të torturave, vrasjeve jashtëgjyqësore dhe shtypjen e civilëve”, -tha Mnuchin.
Njoftimi u bë në ditën kur shënohet 40- vjetori i sulmit në ambasadën amerikane në Teheran. Më 4 nëntor, 1979, disa studentë iranianë, ndjekës të Ajatollah Ruhollah Khomeinit kanë sulmuar ambasadën amerikane në Teheran dhe kanë marrë peng dhjetëra amerikanë. 52 amerikanët janë mbajtur peng për 444 ditë./Opinion.al/
