Sport

SHBA shkruan historinë në futbollin e femrave, Holanda dështon në finale


               Publikuar në : 19:20 - 07/07/19 |
Al Do

Kombëtarja e futbollit të femrave të Shteteve të Bashkuara të Amerikës është shpallur kampionë bote pasi mundën Holandën me rezultatin 2-0, në finalen e zhvilluar në Lion të Francës.

Kombëtarja e SHBA erdhën në këtë finale për të mbrojtur statusin e tyre prej kampionësh bote. Ato vërtetuan dominancën në futbollin e femrave pasi fituan si asnjë kombëtare tjetër për herë të 4 titullin botëror. Për holandezet kjo ishte hera e dytë që merrnin pjesë në këtë kompeticion të rëndësishëm të futbollit.

Pjesa e parë e ndeshjes ishte pothuajse e barabartë me raste të shumta e kundërsulme nga të dyja ekipet. Goli i parë erdhi nga një penallti nga Rapione, që u vendos pasi arbitrja u konsultua me sistemin VAR. Dyfishimi i rezultatit erdhi vetëm 8 minuta më vonë falë një kundërsulmi të shpejtë dhe finalizimit të saktë të Rose Lavelle.

Finalja u ndoq në stadium nga 57 mijë spektatorë. /Opinion.al

Pas