Shtetet e Bashkuara do të ekzekutojnë pesë persona të cilët janë të dënuar me vdekje.
Prokurori i Përgjithshëm, William Barr, konfirmoi lajmin që qarkullonte në media prej ditësh teksa shtoi se personat që do të ekzekutohen janë të dënuar për vrasje ose dhunime të fëmijëve apo të moshuarve. Ekzekutimet janë planifikuar për muajin dhjetor të vitit 2019 dhe janar të vitit 2020.
Njoftimi, heq një moratorium joformal mbi dënimin me vdekje, që nga ekzekutimi i vitit 2003 i Louis Jones Jr, një veteran i Luftës së Gjirit i cili vrau një ushtar 19-vjeçar, Tracie Joy McBride.
Vendimi i qeverisë federale të SHBA-së, për të rifilluar ekzekutimet e dënimeve me vdekje, pas një pauze 16-vjeçare, ka ngjallur kritika nga grupet e të drejtave të njeriut, dhe udhëheqësit demokratë.
Disa kandidatë për nominimin e demokratëve për garën presidenciale të vitit 2020 kërkuan që dënimi me vdekje të hiqet përjetësisht./Opinion.al
