Irani ka ndërtuar raketat më të fuqishme në Lindje të Mesme, thuhet në raportin e ri të Agjencisë Amerikane të Inteligjencës për Mbrojtje.
Raporti i publikuar nga Pentagoni nënvizon se pavarësisht sanksioneve të vëna prej dekadash për programin raketor të Iranit, forca e raketave të saj përfshirë ato balistike, arrin në shënjestrim të armiqve deri në 2,000 kilometra.
“Në mungesë të forcave ajrore moderne, Irani ka zhvilluar raketa për të mos iu lënë armiqve në rajon, Izraelit, Arabisë Saudite por edhe Shteteve të Bashkuara që ta sulmojnë Iranin”, është thënë në raport.
Aty theksohet gjithashtu se Teherani ofron mbështetje financiare, politike dhe trajnime për grupet duke përfshirë Hezbollahun në Liban, rebelët huthi në Jemen dhe talibanët afganë.
Në studim përmendet edhe fakti se Irani ka kundërshtuar vazhdimisht Shtetet e Bashkuara dhe prezencën e tyre në Lindje të Mesme.
Gjatë prezantimit të raportit, Gjenerali amerikan, Robert Ashley ka thënë se Irani e sheh veten më afër se kurrë arritjes së synimeve të veta./Opinion.al
