Shtetet e Bashkuara të Amerikës janë duke përgatitur më shumë se 2 miliardë dollarë ndihmë ushtarake për Ukrainën. Në këto ndihma pritet të përfshihen raketa me rreze më të gjatë, si dhe municione dhe armë të tjera, informuan dy zyrtarë amerikanë për Reuters të martën.
Ndihma pritet të shpallet brenda kësaj jave, thanë zyrtarët. Gjithashtu pritet të përfshijë pajisje mbështetëse për sistemet e mbrojtjes ajrore Patriot, municione dhe armë antitank Javelin, shtuan ata.
Një nga zyrtarët tha se një pjesë e paketës, që pritet të jetë 1,725 miliardë dollarë, do të vinte nga një fond i njohur si Iniciativa e Ndihmës për Sigurinë e Ukrainës (USAI), e cila lejon administratën e Presidentit Joe Biden të marrë armë nga industria dhe jo nga rezervat e armëve të SHBA-së.
Fondet e USAI-t do të shkojnë për blerjen e një arme të re, Bombën me Diametër të Vogël të lëshuar nga Toka e prodhuar nga Boeing Co (BA.N), e cila ka një rreze veprimi prej 94 milje (150 km).
Shtetet e Bashkuara kanë kundërshtuar kërkesat e Ukrainës për raketën ATACMS me rreze 185 milje (297 km)./Opinion.al
