Presidenti i Shteteve të Bashkuara të Amerikës, Donald Trump ka publikuar një memorandum për t’i ofruar ndihmë Italisë në luftën kundër pandemisë së koronavirusit.
Në dekret, Italia referohet si një nga aleatët më të ngushtë dhe me të vjetër të SHBA dhe në paketën e ndihmës parashikohen pajisje dhe medikamente mjekësore.
Gjithashtu personeli ushtarak amerikan në Itali do të ndihmojë në ndërtimin e spitaleve fushore, për transportin e karburantit dhe ushqimeve dhe shërbimet e telemjekësisë.
Mes të tjerave në dekret thuhet se ndihmat do të shërbejnë dhe për të ulur rrezikun e importimit të rasteve të reja me koronavirus nga Europa drejt Shteteve të Bashkuara.
Mes të tjerash, Trump sqaron se prioriteti i qeverisë amerikane, shkon për qytetarët e saj por të ndihmosh Italinë, do të ndihmojë në luftimin e epidemisë dhe në të njëjtën kohë tregon lidershipin amerikan përballë fushatave dezinfomuese kineze dhe ruse.
“Edhe pse prioriteti i qeverisë amerikane, në radhë të parë, shkon për qytetarët amerikanë, të ndihmosh Italinë, do të ndihmojë në luftimin e epidemisë dhe në të njëjtën kohë tregon lidershipin amerikan përballë fushatave dezinfomuese kineze dhe ruse”, thuhet në dekret./Opinion.al
