Shumë prodhime nga vendet e Bashkimit Evropian do të bëhen më të shtrenjta për blerësit në Shtetet e Bashkuara. Kjo, pasi SHBA-ja vendosi tarifa ndaj mallrave të BE-së, në vlerë prej 7.5 miliardë dollarësh.
Disa lloje të djathit, verës, uiskit dhe vajit të ullirit do të preken nga tarifa e re prej 25%.
Nga ana tjetër, Bashkimi Evropian tha se nuk do të ketë zgjedhje tjetër, përveçse të përgjigjet me tarifa të ngjashme ndërsa ka shqetësime se SHBA-ja mund të vendosë tarifa edhe mbi makinat evropiane nga mesi i nëntorit.
Në një raport të publikuar në muajin qershor, Bashkimi Evropian ka thënë se, vitin e kaluar, është përballur me 425 barriera tregtare nga 59 vende të ndryshme.
Ndërkaq administrata e presidentit amerikan, Donald Trump, është në luftë të ngjashme tregtare edhe me Kinën, të cilën po ashtu e fajëson për politika të padrejta të tregtisë./Opinion.al
