Në seancën e Këshillit të Sigurimit të Organizatës së Kombeve të Bashkuara, e cila është zhvilluar ditën e sotme, është diskutuar situata në Kosovë.
Në këtë mbledhje ishte i pranishëm edhe foli edhe zëvendëspërfaqësuesi i Përhershëm i SHBA-së në OKB Robert Wood.
Wood u shpreh se Serbia nuk ka ndërmarrë asnjë përpjekje për t’i gjetur përgjegjësit e sulmit të Banjskës më 24 shtator.
“Liderin e proklamuar të serbëve Milan Radoiçiq. Është kritike që Serbia të punojë me KFOR-in për ta parandaluar edhe një sulm tjetër sikur ai i shtatorit të vitit 2023”, tha ai në fjalimin e tij.
Zyrtari amerikan u ndal gjithashtu edhe te ndalimi i qytetarëve të Kosovës nga autoritetet serbe në kufirin me Kroacinë javën e kaluar, duke shprehur shqetësimin e madh.
“Jemi të shqetësuar me mungesën e lirisë së lëvizjes për qytetarët e Kosovës që po hynin në Serbi, përfshirë edhe serbët që shërbejnë në Policinë e Kosovës”, tha Wood.
Përfaqësuesi i ShBA-së tha se e sheh këtë si kërcënim.
