E ngarkuara me punë e SHBA-së në vendin tonë Leyla Moses-One ka dhënë një mesazh për të gjithë kritikët e reformës në drejtësi në Shqipëri. Në një fjalim me rastin e 10-vjetorit të anëtarësimit të Shqipërisë në NATO, Moses-One ka thënë se Shqipëria po ecën në rrugën e duhur.
“Shqipëria të bëjë progres në reformat e saj. Janë shumë të rëndësishme për Shqipërinë, sundimi i ligjit, lufta kundër terrorizmit dhe krimit të organizuar. Lajm i mirë është se po ecën në rrugën e duhur. Reforma në drejtësi është në rrugë e sipër, do t’i jepet Shqipërisë një drejtësi transparente. Ne kemi një mesazh për të gjithë ata që duan të ndikojnë negativisht në zbatimin e reformës në drejtësi, ju e keni gabim”, është shprehur ajo.
Kjo deklaratë e Leyla Moses-One vjen një ditë pas deklaratave të Presidentit Ilir Meta, i cili u shpreh se përveç krizës politike, Shqipëria ka një krizë institucionale pasi është pa Gjykatë Kushtetuese./Opinion.al
