Shtetet e Bashkuara të Amerikës kanë ndryshuar qëndrimin ndaj vendbanimeve izraelite në Bregun Perëndimor të pushtuar, duke mos i parë më ato si të papajtueshme me ligjin ndërkombëtar.
Sekretari i Shtetit Amerikan Mike Pompeo tha se i takon Izraelit dhe Palestinës për të negociuar mbi statusin e Bregut Perëndimor.
Izraeli e mirëpriti menjëherë këtë veprim i cili reflekton një qëndrim të kundërt nga ai i mbajtur nga administrata Obama.
Vendbanimet janë bashkësi të krijuara nga Izraeli në zonat e pushtuara në luftën e Lindjes së Mesme të vitit 1967. Ata kanë qenë prej kohësh një burim mosmarrëveshjeje midis Izraelit, bashkësisë ndërkombëtare, dhe palestinezëve.
Ministri i Sigurisë Publike dhe Çështjeve Strategjike të Izraelit, Gilad Erdan, shkruajti në rrjetin social Twitter: “Përshëndes vendimin e guximshëm të administratës amerikane.”
Çfarë është problematika e vendbanimeve hebraike?
Çështja e vendbanimeve hebraike është një nga mosmarrëveshjet më të mëdha midis Izraelit dhe Palestinezëve, të cilët i shohin ato si një pengesë për paqen.
Rreth 500,000 hebrenj jetojnë në rreth 140 vendbanime të ndërtuara pas pushtimit të Izraelit në 1967 të Bregut Perëndimor dhe Jeruzalemit Lindor. Vendbanimet konsiderohen të paligjshme sipas ligjit ndërkombëtar, megjithëse Izraeli e kundërshton këtë. /Opinion.al
