Departamenti i Drejtësisë i SHBA-së, ka bërë kërkesë për të ndaluar transportuesin e naftës Grace 1. Autoritetet thanë se kërkesa e SHBA-së bazohet në një numër akuzash të cilat tani janë duke u shqyrtuar, ndërsa kërkesa do të vlerësohet nga prokurori i përgjithshëm i Gjibraltarit.
Grace 1, mbante naftë iraniane, dhe u kap nga marinsat britanikë dhe autoritetet e Gjibraltarit më 4 korrik, duke shkaktuar tensione me Teheranin. Cisterna u konfiskua për shkak të dyshimeve se po dërgonte naftë iraniane në Siri, duke shkelur kështu sanksionet e BE-së.
Ishte parashikuar që Grace të lirohej të enjten, por pas kërkesës së SHBA-së, çështja është shtyrë, dhe ende nuk dihet cili do të jetë vendimi i prokurorit të Gjibraltarit.
Konfiskimi i cisternës nxiti një krizë diplomatike midis Britanisë së Madhe dhe Iranit, e cila është përshkallëzuar gjatë javëve të fundit./Opinion.al
