Zëvendës presidenti amerikan, Mike Pence, tha se vendi synon të dërgojë astronautët në Hënë deri në vitin 2024. Pence e bëri premtimin në një fjalim në Alabama, duke thënë se ndër astronautët do të ishte edhe një grua.
“Plani i kësaj administrate të SHBA-së është që të rikthejë astronautët në hënë brenda pesë viteve të ardhshme”, tha ai.
“Më lejoni të jem i qartë, gruaja e parë dhe një astronaut tjetër do të nisen nga raketa amerikane dhe nga toka amerikane”, deklaroi Pence.
Muaji korrik i këtij viti shënon 50 vjetorin e zbarkimit të parë të njeriut në Hënë. Astronautët e Apollo-s të NASA-s ishin të fundit që ecën në hënë më 1972, dhe asnjë vend deri më tani nuk ka bërë një përpjekje serioze për të dërguar njerëzit në Hënë.
Ish-presidenti, Barak Obama, favorizoi Marsin si destinacionin e ardhshëm të madh të astronautëve, ndërsa Presidenti Donald Trump shtyu përpara planet për Hënën./Opinion.al
