SHBA duket se është gati për t’u angazhuar pa kushte në ‘negociata serioze’ me Iranin. Zotimi vjen pas sulmit të SHBA-së ku mbeti i vdekur komandanti ushtarak i Iranit Kasem Soleimani më 3 janar, ndërsa Irani u përgjigj me sulme në bazat amerikane në Irak gjatë ditës së djeshme.
Në një letër dërguar Kombeve të Bashkuara, zyrtarët e SHBA-së u shprehën se vrasja e Soleimanit ka qenë akt i vetëmbrojtjes.
Zyrtarë në Uashington janë shprehur më herët se Soleimani kishte planifikuar sulme kundër interesave amerikane para se të vritej.
Në letrën dërguar Këshillit të Sigurimit të Kombeve të Bashkuara, ambasadorja amerikane në OKB, Kelly Craft, tha se SHBA-ja është e gatshme të negociojë “me qëllim parandalimin e rrezikimit të mëtejshëm të paqes dhe sigurisë ndërkombëtare”.
Por ambasadori i Iranit në OKB, Majid Takht Ravanchi, u shpreh se oferta e SHBA-së për bisedime është “e pabesueshme” derisa SHBA-ja vazhdon me sanksione të ashpra kundër ekonomisë së Iranit./Opinion.al/
