Shtetet e Bashkuara do ta kalojnë Arabinë Saudite dhe Rusinë dhe do të shndërrohen në eksportuesen më të madhe të naftës në vitet e ardhshme, për shkak të rritjes së paprecedentë të prodhimit të energjisë.
“Ata do jenë shumë afër në vitet e ardhshme, por është çështje kohe kur SHBA-ja qartazi do të jetë eksportuesja më e madhe e naftës në botë”, tha drejtori i Agjencisë Ndërkombëtare të Energjisë, Fatih Birol, gjatë një konference në Uashington.
Komentet e Birol vijnë një ditë pasi Agjencia publikoi të dhënat preliminare, që tregonin shifrat e eksporteve të naftës bruto të SHBA-së gjatë muajit qershor, dhe sipas këtyre të dhënave, Uashingtoni ka kaluar dy konkurentët e saj më të mëdhenj.
Gjatë vitit 2024, SHBA-ja do të përjetojë rritjen më të madhe të prodhimit në historinë e naftës deri më tani, tha Birol, dhe sipas tij, kjo gjë do të mundësojë eksporte më të mëdha.
Agjencia Ndërkombëtare e Energjisë parashikon që gjatë këtij viti, SHBA-ja do të rrisë prodhimin e naftës në 1,25 milionë fuçi në ditë dhe një milion më shumë gjatë vitit të ardhshëm. Ndërkaq, nafta e papërpunuar amerikane dhe prodhimi i gazit të lëngshëm do të arrijë në 20 milionë fuçi në ditë në vitin 2024, tha Birol./Opinion.al
