Forca Hapësinore amerikane, ka akuzuar Rusinë se ka përdorur satelitët e saj për të ndjekur një satelit spiunazhi amerikan.
Duke e quajtur këtë një “sjellje shqetësuese”, gjenerali John Raymond, i tha revistës “Time” se të dy satelitët rusë janë afruar jashtëzakonisht afër me satelitin amerikan.
“Ne e shohim këtë sjellje si të pazakontë dhe shqetësuese. Ka potencial për të krijuar një situatë të rrezikshme në hapësirë “, tha Raymond.
Zëvendës-ministri i Jashtëm rus, Sergei Ryabkov, konfirmoi për AFP-në se ai kishte marrë një mesazh nga Uashingtoni në lidhje me çështjen, duke shtuar se “Moska do të përgjigjet pasi të studiojë situatën”.
Kjo është hera e parë që ushtria amerikane ka zbuluar publikisht një kërcënim nga një vend tjetër, për një prej anijeve hapësinore të saj.
Forca Hapësinore amerikane u krijua në dhjetor 2019 dhe është dega e gjashtë zyrtare e ushtrisë amerikane, së bashku me ushtrinë, forcën ajrore, forcat detare, marinsat dhe rojet bregdetare./Opinion.al
