Shtetet e Bashkuara kërcënuan Iranin me përgjigje të shpejtë dhe vendimtare në rast të ndonjë sulmi prej tyre, por, në të njëjtën kohë, iu bënë thirrje udhëheqësve të këtij vendi të ulen për bisedime.
“Regjimi në Teheran duhet ta kuptojë se çdo sulm i tij apo milicive të tij kundër interesave ose qytetarëve amerikanë do të marrë përgjigje të shpejtë dhe vendimtare nga SHBA-ja. Ne nuk duam luftë. Por, Irani, për 40 vjet, ka vrarë ushtarë amerikanë, ka sulmuar objekte amerikane dhe ka marrë pengje amerikane dhe një gjë e tillë është përkujtues i vazhdueshëm se ne duhet të mbrohemi”, tha Pompeo.
Tensionet midis dy vendeve janë rritur edhe më shumë pasi SHBA-ja i ka vënë sanksione të reja Iranit. Uashingtoni tashmë ka kufizuar eksportet e naftës në Iran, që janë burimi më i madh i të ardhurave në këtë vend, ndërsa ushtria amerikane ka dërguar një aeroplanmbajtëse në ujërat pranë Iranit.
Teherani nuk iu është përgjigjur ende deklaratave të fundit nga Pompeo dhe Trump, por ka kërcënuar se do të pasurojë uranium më pranë niveleve të armëve brenda 60 ditësh, nëse fuqitë botërore dështojnë të negociojnë kushte të reja./Opinion.al
