“Veprimi ushtarak kundër Koresë së Veriut është një opsion në tavolinë” ka deklaruar ditën e sotme, Sekretari Amerikan i Shtetit, Rex Tillerson gjatë një vizite në Korenë e Jugut.
Ai tha se politika e “durimit strategjik” kishte përfunduar dhe SHBA është duke eksploruar një rrugë të re diplomacie, sigurie dhe të masave ekonomike.
Koreja e Veriut ka ngjallur shqetësim me raketën e fundit dhe teste bërthamore që po bën.
Tillerson foli menjëherë pas vizitës në zonën e demilitarizuar që ndan dy Koretë.
Ai mbërriti në Korenë e Jugut nga Japonia ku tha se për 20 vite është përpjekur që të bindet Koreja e Veriut për të hequr dorë nga ambiciet e saj bërthamore, pasi ky plan ka dështuar.
I pyetur nëse ekziston mundësia e veprimit ushtarak ai tha:
“Sigurisht që në nuk duam që gjërat të përfundojnë në konflikt ushtarak. Në qoftë se ata ngrënë kërcënim me programin e tyre të armëve në një nivel që kërkon veprim, ky opsion është në tavolinë”- përfundoi ai. /opinion.al
