Autoritetet në Iran janë shqetësuar për efektet ekonomike po shkakton pandemia e koronavirusit dhe kanë vendosur të lehtësojë masat e karantinës.
Irani është një nga vendet më të prekura në botë me 68 mijë raste të konfirmuara dhe rreth 4,200 vikima. Por kryeministri Hasan Ruhani ka deklaruar në televizionin shtetëror se që nga nesër fillon faza e parë e lehtësimit të masave, me fillimin e aktiviteteve që kanë më pak rrezikshmëri, por jo në kryeqytetin Teheran, që do të presë edhe një javë për të marrë “frymë”, gjatë fazës së dytë.
“Nuk dëshirojmë viktima të tjera nga koronavirusi, por nuk duam as të na vdesin njerëzit nga uria”, deklaroi Rouhani.
Në prag të një krize ekonomike globale Irani përballet me një rrezik të shtuar pasi vuan sanksionet amerikane. Teherani ka kërkuar një kredi 5 miliardë dollarë në FMN por ajo është bllokuar nga vetoja amerikane.
Në këto kushte liderët e vendit gjenden në presion shumë të madh social. Zërat kritikë ndaj regjimit dhe pakënaqësitë nga elitat dhe rinia kanë bërë që qeveria të lejojë aktivitetin ekonomik për të mos shkaktuar mungesë të punës dhe të rrogave. Kjo mund të ishte shkëndija e një revolte shkatërruese për republikën islamike. /Opinion.al
