I ngarkuari me punë i Ambasadës amerikane në Tiranë Martin McDowell ka zhvilluar ditën e sotme një takim me Ministrin e Brendshëm Taulant Balla.
Lajmi është dhënë nga ambasada amerikane në Tiranë, e cila në një status në faqen zyrtare në “Facebook”, thotë se në takim u diskutua për bashkëpunimin SHBA-Shqipëri në fushën e zbatimit të ligjit dhe mbështetjen për një sërë çështjesh të lidhura me sigurinë.
Sipas ambasadës së SHBA, i ngarkuari me Punë McDoëell vuri në dukje shqetësimet e SHBA në lidhje me ndërhyrjet e raportuara në sistemet TIMS në Policinë e Shtetit.
Më tej thuhet se McDowell nxiti një hetim të shpejtë për këtë çështje si dhe theksoi mbështetjen e SHBA për Ministrinë e Brendshme dhe Policinë e Shtetit në hetimin e tyre.
“I Ngarkuari me Punë i Ambasadës në Tiranë, H. Martin McDoëell u takua sot me Ministrin e Brendshëm Taulant Balla. Ata diskutuan bashkëpunimin SHBA-Shqipëri në fushën e zbatimit të ligjit dhe mbështetjen për një sërë çështjesh të lidhura me sigurinë. I ngarkuari me Punë McDoëell vuri në dukje shqetësimet e SHBA në lidhje me ndërhyrjen e raportuar në sistemet TIMS në Policinë e Shtetit. Ai nxiti një hetim të shpejtë dhe të gjithanshëm dhe theksoi rëndësinë që ka mbrojtja e të dhënave vetjake/sensitive, përfshi edhe të qytetarëve amerikanë në Shqipëri. McDoëell i tha gjithashtu Ministrit Balla se Shtetet e Bashkuara janë të gatshme ta mbështesin Ministrinë dhe Policinë e Shtetit në hetimin e tyre”-shkruan ambasada e SHBA./Opinion.al
