500 milionë doza të tjera të vaksinës Pfizer do të dhurohen nga SHBA për vendet në zhvillim gjatë vitit të ardhshëm.
Presidenti i SHBA, Joe Biden e njoftoi dhurimin e vaksinave gjatë punimeve të një samiti virtual të mbledhur në kuadër të pandemisë së Covid-19, pas Asamblesë së Përgjithshme të OKB-së
Ekspertët thonë se rreth 11 miliardë doza kërkohen për të vaksinuar të paktën 70% të popullsisë globale. Organizata Botërore e Shëndetësisë ka vendosur një objektiv minimal prej 40% të mbulimit të vaksinave në çdo vend deri në fund të vitit 2021. Por qëllimi nuk ka gjasa të përmbushet.
Deri më tani vendet me të ardhura të larta tani i kanë dhënë të paktën një dozë më shumë se gjysmës së popullsisë së tyre, vetëm 2% e qytetarëve në vendet me të ardhura të ulëta kanë marrë dozën e parë, sipas të dhënave nga Universiteti i Oksfordit.
