SHBA ka dëbuar 12 diplomatë rusë në Kombet e Bashkuara pasi sipas tyre cënojnë sigurinë kombëtare.
Anëtarëve të misionit të Rusisë iu kërkua të largohen nga SHBA pasi sipas tyre janë të përfshirë në aktivitete jodiplomatike.
“Ata diplomatë të cilëve u është kërkuar të largohen nga Shtetet e Bashkuara ishin të angazhuar në aktivitete që nuk ishin në përputhje me përgjegjësitë dhe detyrimet e tyre si diplomatë”, tha zëvendësambasadori amerikan Richard Mills në Këshillin e Sigurimit të OKB-së, pa dhënë më shumë detaje.
Ambasadori i Rusisë në OKB Vassily Nebenzia u tha gazetarëve se atyre iu kërkua të largoheshin deri më 7 mars, raporton agjencia e lajmeve Reuters.
