“BKH dhe reforma e gjyqësorit janë të dyja përparësi të nevojshme. Kemi ofruar asistencë teknike për draftin dhe qëndrojmë të gatshëm për ta ndihmuar Shqipërinë për të krijuar dhe trajnuar Byronë Kombëtare të Hetimit, bazuar në FBI-në amerikane”. Kështu u shpreh zëdhënësi i Ambasadës Amerikane, Ryan Roberts. Sipas tij, Byroja do të përforconte kapacitetet e Shqipërisë për të hetuar korrupsionin. “Jemi të kënaqur që të gjitha partitë kryesore janë shprehur në mbështetje të krijimit të Byrosë Kombëtare të Hetimit. Tani është koha që kjo mbështetje të kthehet në veprime konkrete që do ta bëjnë BKH një realitet”, tha Roberst.
