SHBA-ja ka akuzuar Presidentin rus, Vladimir Putin, për brutalitet në pushtimin e Ukrainës.
Zëdhënësi i Pentagonit, John Kirby është shprehur se agresioni i Rusisë në Ukrainë është “brutalitet i llojit më të ftohtë”.
Duke folur me gazetarët, Kirby dënoi veprimet e liderit të Kremlinit në Ukrainë dhe tha se ishte “e vështirë të shikohej” se çfarë po i bën Putin Ukrainës. Ai tha: “Është brutalitet i llojit më të ftohtë dhe më të shthurur.
“Unë nuk mendoj se e vlerësuam plotësisht shkallën e dhunës dhe mizorisë, mbi njerëzit e pafajshëm, mbi civilët, për shpërfilljen për jetët që u humbën .”
Zyrtari i Pentagonit filloi të emocionohej teksa fliste për skenat që u publikuan nga Ukraina.
“Është e vështirë të shikosh se çfarë po bën Putin në Ukrainë, çfarë po bëjnë forcat e tij në Ukrainë dhe të mendosh se individë etikë dhe moral mund ta justifikojnë këtë,” tha ai.
“Është e vështirë të shikosh imazhet dhe të imagjinosh se një lider i pjekur serioz dhe i menduar mirë do të mund ta bënte këtë. Nuk mund të flas për psikologjinë e tij, por mendoj se të gjithë mund të flasim për brutalitetin e tij.”
