Ndodh që dhe drejtësia amerikanë të gabojë. Një gjykatë në Chicago vendosi që pas 22 vitesh të lirojë nga burgu një person i cili u dënua për një krim që nuk e kishte kryer.
Eddie Bolden u dëmshpërblye me 25 milionë dollarë për vitet që kaloi në qeli. Mediat e huaja bëjnë me dije se Bolden nuk u lirua nga burgu, megjithëse ai pretendonte me këmbëngulje pafajësinë e tij.
Bolden la qelinë në vitin 2016, ndërsa këtë vit ka përfituar dhe dëmshpërblimin miliona dollarësh.
Eddie Bolden u dënua për dy vrasje në vitin 1994. Në padi, detektivët janë fokusuar tek ai si i dyshuar dhe kanë shpërfillur deklaratat e dëshmitarëve të cilët kanë thënë se ai ndodhej në lokalin përballë të cilit ndodhi vrasja.
“Ky verdikt është lirimi i plotë i Eddie Bolden”, ka thënë avokati i tij, Ronald Safer.
Juristët urdhëruan gjithashtu dy detektivë policie që t’i paguanin Bolden 100 mijë dollarë. Irving Clayton dhe Derrick Fraser u vranë më 29 janar 1994 dhe makinës në të cilën ndodheshin iu vu zjarri.
Ndërkohë disa dëshmitarë pohuan se Bolden ishte në një restorant peshku në kohën e të shtënave, vëllai i njërës prej viktimave, i cili gjithashtu u plagos nga të shtënat, e identifikoi Bolden në stacionin e policisë si vrasës.
