Shtetet e Bashkuara ofrojnë 10 milionë dollarë dëmshpërblim për informacione rreth një komandanti të lëvizjes Hezbollah të Libanit, i cili ishte bashkëpunëtor i komandantit të vrarë iranian, Qasem Soleimani.
Departamenti amerikan i Shtetit tha se po kërkon çdo informacion rreth aktiviteteve, rrjeteve dhe bashkëpunëtorëve të Muhammad Kawtharani, duke thënë se ai ka luajtur një rol kyç në koordinimin e grupeve militante pro-Iranit në Irak.
Uashingtoni e konsideron Hezbollahun organizatë terroriste dhe më 2013 e kanë futur në listën e zezë të terrorizmit.
Konkretisht, Departamenti amerikan i Shtetit (DASH) tha se Kawtharani ka kryer disa koordinime politike me grupet paramilitare që bashkëpunojnë me Iranin, dhe që më parë ishin organizuar nga Soleimani.
Uashingtoni tha se si anëtar i Këshillit Politik i Hezollahut, Kawtharani ka punuar në promovimin e interesave të Hezbollahut në Irak, përfshirë këtu edhe përpjekjet e kësaj lëvizjeje për të ofruar trajnim, fonde dhe mbështete politike e logjistike për gupet e militantëve shiitë në Irak./Opinion.al
