Një 21-vjeçar nga Mamurrasi ka përfunduar në pranga pasi akuzohet se i ka kërkuar para një vajze për mospublikimin e disa fotove në rrjetet sociale.
Policia tha se është arrestuar Ylli Kaçi, banues në Mamurras. Me anë të telefonit ai ka shtrënguar me anë të kanosjes të renë A. Gj., duke i kërkuar para për mospublikimim e disa fotove në rrjetet sociale.
Njoftimi i policisë
Specialistët për Hetimin e Krimeve ndaj Jetës dhe Pronës në D.V.P.Tiranë, falë një pune të mirëorganizuar hetimore kapën dhe ndaluan shtetasin :
– Ylli Kaçi, 21 vjeç, banues në Mamurras.
Ky shtetas ndërmjet telefonit ka shtrënguar me anë të kanosjes shtetasen A. Gj., duke i kërkuar një sasi vlere monetare për mospublikimim e disa fotove në rrjetet sociale.
Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Shtrëngimi me anë të kanosjes ose dhunës për dhënien e pasurisë”, parashikuar nga neni 109/b i Kodit Penal.
