Kronikë

Shantazh me foto intime vajzës, bien në kurthin e policisë dy kushërinjtë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:46 - 22/09/20 |
el ida

Policia ka vënë në pranga një 18-vjeçar, dhe ka shpallur në kërkim një 30-vjeçar, pasi shantazhonin një grua përmes disa fotografive personale.

Në pranga ka rëndë Afrim Kurti ndërsa është shpallur në kërkim kushëriri i tij, Dëfrim Kurti. Vajza që shantazhohej ishte e dashura e Dëfrim Kurtit dhe ky i fundit posedonte fotografi të saj, që më pas i ka përdorur për shantazh me qëllim përfitim financiar.

E ndodhur në kushte të vështira, e reja ka denoncuar rastin në polici dhe ka futur në kurth ish të dashurin, duke i lënë takim për t’i dhënë paratë që kërkonte.  Dëfrimi nuk u arrestua, pasi në takim çoi kushëririn e tij, bashkëpunëtor në ngjarje, i cili u kap në flagrancë.

Por 30-vjeçari, Dëfrim Kurti nuk është një emër i panjohur për policinë.

Në vitin 2019 ai u arrestua dhe më pas u la në masën e sigurisë “arrest shtëpie” për vrasjen e shoferit të furgonit, Arben Gjeci. Vrasja ndodhi sepse Gjeci kishte lidhje me bashkëshorten e Dëfrim Kurtit, Elida Canin. Pas hetimeve policia zbuloi se vrasjen e kishte kryer vëllai i Elidës, Esat Cani.

Dëfrim Kurti dyshonte se gruaja kishte një lidhje jashtëmartesore dhe për këtë ka vënë në dijeni vëllain e saj, Esat Cani, 31 vjeç. Të dy bashkë e kanë ruajtur dhe e kanë kapur mat teksa është takuar me 34-vjeçarin, të cilin më pas e kanë dhunuar me mjete të forta duke i shkaktuar vdekjen./Opinion.al

Pas