Shakira është padyshim një prej artisteve latine më të dashura. Me një karrierë mjaft të suksesshme disa vjeçare dhe me hite që na kanë bërë të gjithëve të kërcejmë, mund të themi se ajo ka arritur të vjedhë zemrat e publikut që në fillimet e saj .
Por duket se ka vjedhur veçanërisht zemrat e kosovarëve, pasi një urë në Kosovë do të marrë emrin e saj.
Ka qenë pikërisht ish ministri i punëvë të jashtme, Behgjet Pacolli ai që lajmëroi në facebook nëpërmjet një postimi duke bërë me dije se për inagurimin e Urës së Ibrit në Mitrovicë, pritet të mbahet një ceremoni e veçantë, kulmi i së cilës do të jetë pjesëmarja e një këngëtareje, pa zbuluar ende identitetin e saj.
Por sipas burimeve të Klan Kosova këngëtarja e ftuar për inagurimin është pikërisht Shakira dhe nëse ajo e pranon ftesën, ura në fjalë do të marrë emrin e saj.
