Ministrja e Arsimit, Sporteve dhe Rinisë, Besa Shahini foli për provimet e realizuara në shkollat e mesme, mësimin online dhe mënyrën se si do të menaxhohet situata. Në një komunikim të drejtpërdrejtë, Shahini u shpreh se shkollat e mesme kanë problem me fiktivitetin e notave.
Gjatë fjalës së saj Shahini është ndalur edhe të protesta e nxënësve të cilët kundërshtuan tezën e provimit të Gjuhë-Letërsisë të Maturës Shtetërore, duke e konsideruar banalitetet të nxitur nga opozita.
“Të rinjtë duhet të kuptojnë që kopjimi nuk i bën mirë askujt. Përkundër një banaliteti të një protestë që u nxit nga opozita, provimi i Gjuhë Letërsisë ishte me standardet më të larta ndërkombëtare. Personat janë të trajnuar shumë mirë nuk kemi dilemë për modelin që do të ndjekim. Organizatat do të punojnë që mësuesit një kenë një tjetër komunikim me nxënësit. Vitin tjetër na pret një tjetër punë intensive.
Kemi problem me fiktivitetin e notës në shkollën e mesme. Nxënësit me notën 10 në shkollën e mesme nuk arrijnë që në shkollën e lartë të mbajnë të njëjtën ritëm. Ka një dallim shumë të madh. Mbivlerësimi për nxënësin është i dëmshëm. Në fund të vitit tjetër shkollor do të shohim edhe peshën e notës”, tha Shahini./Opinion.al
