Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Sgarbi e quajti Bylisin qytet grek, reagojnë studiuesit shqiptarë

2020/06/09 at 10:38 AM
në Aktualitet, Kryesore, Te Fundit
Kohë leximi: 3 min
A A
Sgarbi e quajti Bylisin qytet grek, reagojnë studiuesit shqiptarë

Kritiku i artit Vittorio Sgarbi ka vizituar këto ditë Shqipërinë në një tur promovues. Ai është shoqëruar gjatë vizitës së tij edhe nga Ministrja e Kulturës, Elva Margariti.


Ardhja e politikanit italian në Shqipëri u bë e njohur pas incidentit që i ndodhi atij në Palasë, ku u raportua se rrezikoi të mbytej teksa lahej në det. Një video e këtij momenti qarkulloi në rrjet ku tregonte se si ai u përfshi nga dallgët dhe u shpëtua më pas nga vajza e tij.

Vetë kryebashkiaku i Vlorës, Dritan Leli postoi më vonë një video me Sgarbin ku njoftonte se ai ishte shëndosh e mirë dhe se po vazhdonte turin e tij promovues në Shqipëri.

Por solidariteti i treguar në publik për ngjarjen e rëndë që i ndodhi u kthye shpejt në zemërim ndaj Sagrbit. Shkak për këtë u bë një postim në rrjetet e tija sociale. Ai ndau me ndjekësit e tij një foto nga vizita e tij në parkun arkeologjik të Bylisit ku e quante këtë të fundit “qytet grek”.

Deklarata, aq më tepër e thënë në një tur promovues për Shqipërinë, u prit jo mirë nga publiku. Ajo ngjalli gjithashtu edhe reagimin e studiuesve, mes tyre Neritan Ceka, një nga arkeologët që kanë punuar në zbulimin dhe ndërtimin e parkut arkeologjik në këtë zonë.

“KUSH DO IA KETË THENË ZGARBIT QË BYLIS ËSHTË GREK ? Nuk mjaftoi që bënë grek Butrintin, tani edhe Bylisi na doli qytet grek. Bilmezat e Ministrisë së Kulturës nuk i thanë se ishte në mes të mallakastrioteve dhe po i falej lebërve. Këta pasardhës të grekëve janë? I nderuar Zgarbi, falju edhe një herë zotit të Bylisit të na shpëtojë nga injoranca e Ministrise së Kulturës. Amen”, shkroi Neritan Ceka përmes faqes zyrtare në Facebook të Forumit për Trashëgiminë Kulturore.

Por kritiku italian nuk e la me kaq polemikën për origjinën e Bylisit. Në një video të postuar në rrjetet sociale ai komenton reagimin në media mbi postimin e tij.

“Konfirmoj: Byllis ishte një qytet i lashtë Grek i vendosur në Iliri. Mbetjet e Byllis ndodhen në veri-lindje të Vlorës, Shqipëri. Gazetari shqiptar që ngriti një polemikë të panevojshme është thjesht një injorant i gjorë.”- shkruan Sgarbi teksa shton se Bylisi u ndërtua në kohën kur grekët pushtuan një pjesë të Ilirisë.

Këmbëngulja e Sgarbit në argumentin e tij të mëparshëm u cilësua “pa sens” nga studiuesi Auron Tare.

“Jam i sigurte qe postimi i pare i Zgarbit ka qene nje lapsus por kembengulja e tij per lapsusin e meparshme nuk ka me sens.”- shkroi ai në Facebook.

Neritan Ceka reagoi me një shkrim të gjatë sqarues ku thotë se Bylisi ishte qytet i përcaktuar ilir dhe kjo dokumentohet në shkrimet e lashta.

“Natyralisti romak Plini shkruante: “in finibus celebre Nymphaeum accolunt barbari Amantes et Buliones”. Natyrisht që Sgarbi e kupton latinishten, por çdo italian do ta përkthente: “Në kufi me Nymfeun e famshëm, banojnë barbarët amantë dhe bylinë”. Ky përkufizim gjeografik dhe etnik ka qenë shkruar rreth vitit 60 pas Krishtit, pra rreth 300 vjet pas ndërtimit të teatrit të Bylisit, gjë që dëshmon se bylinët dhe amantët kishin mbetur barbarë jo në kuptimin e kulturës, përderisa kishin një teatër, por në kuptimin etnik, domethënë cilësohen si jogrekë.””, shkruan Ceka.

“Për të hequr merakun në se fisi mund të ishte barbar, pra ilir, por qyteti mund të ishte helen, një autor tjetër grek, Stefan Bizantini, që ka bërë një inventar të fiseve dhe qyteteve antike, shkruante: “Byllis, qyteti Ilirisë pranë detit”. Por ai nuk përmend ndonjë qytet tjetër antik me të njejtin emër dhe nuk e marr dot me mend përse Sgarbi e cilëson Bylisin si “citta omonima”, pra “qytet me të njejtin emër”.”, shton ai. /Opinion.al

Etiketa: auron tareBylisneritan cekavittorio sgarbi


Ju sugjerojmë

Drejt fundit rinumërimi në Tiranë, PD humb më shumë vota krahasuar me PS
Aktualitet

Drejt fundit rinumërimi në Tiranë, PD humb më shumë vota krahasuar me PS

27 Qershor, 2025 11:29 am
Kriza politike në Kosovë/Haxhiu: Nëse s’i marr 61 vota në votim të fshehtë, tërhiqem
Rajoni

Kriza politike në Kosovë/Haxhiu: Nëse s’i marr 61 vota në votim të fshehtë, tërhiqem

27 Qershor, 2025 11:22 am
Qeveria e re, Kurti fton LDK në negociata
Rajoni

Albin Kurti fton në takim liderët e partive pas vendimit të Kushtetueses

27 Qershor, 2025 11:14 am
Geraldina Apponyi-Zogu/ Mbretëresha e shqiptarëve në shtypin e huaj të kohës
kulture

Geraldina Apponyi-Zogu/ Mbretëresha e shqiptarëve në shtypin e huaj të kohës

27 Qershor, 2025 11:07 am
U kap duke shitur doza kokaine dhe kanabisi, arrestohet 58-vjeçari në Vlorë
Aktualitet

U kap duke shitur doza kokaine dhe kanabisi, arrestohet 58-vjeçari në Vlorë

27 Qershor, 2025 10:59 am
Plagosi me thikë një shtetas, pranga 45 vjeçarit. Fsheh në rrugë kallashnikovin
Aktualitet

Plagosi me thikë një shtetas, pranga 45 vjeçarit. Fsheh në rrugë kallashnikovin

27 Qershor, 2025 10:59 am
Ish-prokurori dhe deputeti i PD-së, Arjan Ndoj paraqitet në GJKKO
Aktualitet

Ish-prokurori dhe deputeti i PD-së, Arjan Ndoj paraqitet në GJKKO

27 Qershor, 2025 10:44 am
Gjermania ka nevojë urgjente për punëtorë të huaj, por nuk dëshiron që…
Bota

Gjermania ka nevojë urgjente për punëtorë të huaj, por nuk dëshiron që…

27 Qershor, 2025 10:43 am
Deputeti i Partisë Demokratike Flamur Noka paraqitet në SPAK
Aktualitet

Deputeti i Partisë Demokratike Flamur Noka paraqitet në SPAK

27 Qershor, 2025 10:34 am
Sizmiologu Dushi: Tërmetet, vazhdimësi e lëkundjes së 24 Qershorit/Pasgoditjet do…
Aktualitet

Sizmiologu Dushi: Tërmetet, vazhdimësi e lëkundjes së 24 Qershorit/Pasgoditjet do…

27 Qershor, 2025 10:32 am
Para
Sgarbi, sgërbot, ilirët barbarë dhe europianët e fisëm

Sgarbi, sgërbot, ilirët barbarë dhe europianët e fisëm

PD kërkoi heqjen e mandatit, mbyllet verifikimi për kryebashkiakun e Matit

PD kërkoi heqjen e mandatit, mbyllet verifikimi për kryebashkiakun e Matit

Studimi, kur do të largohet koronavirusi nga Shqipëria

Covid-19/ Rriten ndjeshëm rastet e reja në Shqipëri
















TE FUNDIT

Drejt fundit rinumërimi në Tiranë, PD humb më shumë vota krahasuar me PS

Drejt fundit rinumërimi në Tiranë, PD humb më shumë vota krahasuar me PS
27 Qershor, 2025

Ditën e sotme pritet të përfundojë procesi i rinumërimit të votave për qarkun e Tiranës. Vetëm dy qendra votimi kanë...

Lexo më shumë

Kriza politike në Kosovë/Haxhiu: Nëse s’i marr 61 vota në votim të fshehtë, tërhiqem

Kriza politike në Kosovë/Haxhiu: Nëse s’i marr 61 vota në votim të fshehtë, tërhiqem
27 Qershor, 2025

Kandidatja e Lëvizjes Vetëvendosje për kryetar të Kuvendit të Kosovës, Albulena Haxhiu, është zotuar se do të tërhiqet nëse deputetët...

Lexo më shumë

Albin Kurti fton në takim liderët e partive pas vendimit të Kushtetueses

Qeveria e re, Kurti fton LDK në negociata
27 Qershor, 2025

Albin Kurti, kryetari i Lëvizjes Vetëvendosje ka ftuar në një takim krerët e partive parlamentare të shtunën, 28 qershor, në...

Lexo më shumë

Geraldina Apponyi-Zogu/ Mbretëresha e shqiptarëve në shtypin e huaj të kohës

Geraldina Apponyi-Zogu/ Mbretëresha e shqiptarëve në shtypin e huaj të kohës
27 Qershor, 2025

Nga Aurenc Bebja Mbretëresha Geraldinë e Shqiptarëve lindi më 6 gusht 1915 në Budapest. Prindërit e saj ishin konti Gyula...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com