Nacionalistët grekë e kthyen në miting varrimin e minoritarit grek Kostandinos Kacifas në Bularat. Ata hodhën thirrje kundër Shqipërisë dhe shqiptarëve. Sfida e grekëve duket se vazhdon. Tashmë është propozuar të ketë një rrug dhe një bust në nder të tij.
Njoftimi për nderimin e 35-vjeçarit nga Bularati që për grekët konsiderohet ‘hero’ është dhënë nga kryetari i bashkisë së qytetit të Argons në Mikenë, Dimitris Kambosos.
Iniciativa e tij ka gjetur edhe mbështetjen e këshillit të qytetit.
Ai e ka dhënë njoftimin nëpërmjet një videoje të shpërndarë në internet. Aty ai njoftoi se do t’i jepet emri i Konstandin Kacifas një rruge në pjesën jugore të qytetit Argos. Si dhe ngritjen e një busti sepse “është mirë të prezantojmë historinë tonë moderne”, tha Kambosos.
Ai e ka quajtur vrasje vdekjen e 35-vjeçarit, ndërsa nuk ka ngurruar të kritikojë ashpër edhe krerët e dy shteteve, Rama dhe Tsipras.
Kujtojmë se Kostandinos Kacifas qëlloi mbi policinë shqiptare dhe më pas u vra në kodrat e Bularatit, në përplasje me forcat Renea.
