Presidenti i Federatës Shqiptare të Futbollit, Armand Duka, foli për Klan Kuqezi, në prag të ndeshjes së Shqipërisë me Andorrën. Kreu i futbollit deklaroi se të ketë gola dhe të kënaqen tifozët.
Sipas tij, trajneri Silvinjo ka bërë mirë që ka zgjedhur formacion sulmues. I pyetur për ndeshjen Serbi-Shqipëri, Duka theksoi se ende nuk dihet se në cilin stadium do të luhet ndeshja.
“Sezoni nisi në “Wembley”. Do ishte më mirë me një rezultat tjerë, por nuk ishte surprizë fitorja e Anglisë. Sot është një nisje edicioni për ne. Një ndeshje shumë e rëndësishme për ne. Ndeshje shumë e vështirë, sepse vijmë nga një ndeshje ku mbrohemi për të mos pësuar, në një ndeshje ku duhet të luajmë në sulm dhe të kënaqim tifozët. Jam i bindur për një rezultat pozitiv.
Formacioni sulmues? Nuk kemi çfarë presim tjetër. Kur mund të kemi një vendosje sulmues, përveçse ndaj një kundërshtari si Andorra. Trajneri ka bërë mirë sipas mendimit tim.
Futbolli nuk është i parashikueshëm. Ne e dimë, që nëse bëjmë parashikim në letër se Anglia mund të jetë e para, por gjithçka mund të ndodhë. Kundërshtari më afër nesh është Serbia.
Ndaj Anglisë ajo që mund t bëim më shumë, ioshte që ta befasonim njëherë Anglinë. Minutat e Brojës, ishin minutat që mund të tentonim diçka. Pas golit të dytë gjërat u komplikuam. Para golit të dytë, me atë që tregoi skuadra mund të them se jam i kënaqur. Ndaj Anglisë nuk mund të krijosh 5-6 raste.
Ende nuk e dimë se ku do të luhet ndeshja Serbi-Shqipëri. Kanë katër stadiume të licencuara në Serbi për këtë ndeshje. Uroj që sot t’i kënaqim tifozët me lojë dhe gola ndaj Andorrës”, deklaroi Duka.
